ഉലഹന്നാന്‌റെ പ്രണയം തളിര്‍ക്കുകയാണ്. വെള്ളിമൂങ്ങ എന്ന സൂപ്പര്‍ഹിറ്റ് ചിത്രത്തിന് ശേഷം ജിബു ജേക്കബ് ഒരുക്കുന്ന മുന്തിരിവള്ളികള്‍ തളിര്‍ക്കുമ്പോളിന്‌റെ ട്രെയിലര്‍ എത്തി. മോഹന്‍ലാല്‍ നായകനായി എത്തുന്ന ചിത്രത്തില്‍ മീനയാണ് നായിക. ഐമ, കലാഭവന്‍ ഷാജോണ്‍, അനൂപ് മേനോന്‍, ഷറഫുദ്ദീന്‍ എന്നിവരും ചിത്രത്തിലുണ്ട്. ദൃശ്യത്തിന് ശേഷം മോഹന്‍ലാലിന്‌റെ ജോഡിയായി മീന എത്തുന്നു എന്ന പ്രത്യേകതയും ചിത്രത്തിനുണ്ട്.
ചിത്രത്തില്‍ പഞ്ചായത്ത് സെക്രട്ടറി ഉലഹന്നാന്‍ എന്ന കഥാപാത്രത്തെയാണ് ചിത്രത്തില്‍ മോഹന്‍ലാല്‍ അവതരിപ്പിക്കുന്നത്. വി.ജെ ജയിംസിന്‌റെ പ്രണയോപനിഷത്ത് എന്ന ചെറുകഥയെ ആധാരമാക്കിയാണ് ചിത്രം ഒരുക്കിയിരിക്കുന്നത്. എം.സിന്ധുരാജാണ് തിരക്കഥ ഒരുക്കിയിരിക്കുന്നത്. വീക്കെന്‍ഡ് ബ്ലോക്ക്ബസ്റ്റേഴ്‌സിന്‌റെ ബാനറില്‍ സോഫിയ പോളാണ് ചിത്രം നിര്‍മ്മിക്കുന്നത്.
