ദിവസവും പിസ്ത കഴിക്കുന്നത് ബിപി നിയന്ത്രിക്കാന് സഹായിക്കുമെന്ന് പഠനം. ഹൃദയാരോഗ്യത്തിന് സഹായിക്കുന്ന പൊട്ടാസ്യം, ആന്റിഓക്സിഡന്റുകള്, സസ്യാധിഷ്ഠിത സംയുക്തങ്ങള് എന്നിവ പിസ്തയില് അടങ്ങിയിട്ടുണ്ട്. മഗ്നീഷ്യം, നാരുകള്, ആരോഗ്യകരമായ മോണോസാച്ചുറേറ്റഡ് കൊഴുപ്പുകള് തുടങ്ങിയ അവശ്യ പോഷകങ്ങളാല് സമ്പന്നമാണ് പിസ്ത. ഇവയെല്ലാം ആരോഗ്യകരമായ രക്തക്കുഴലുകള് നിലനിര്ത്തുന്നതിലും രക്തസമ്മര്ദ്ദം നിയന്ത്രിക്കുന്നതിലും പ്രധാന പങ്ക് വഹിക്കുന്നു. പിസ്ത ഭക്ഷണത്തില് ഉള്പ്പെടുത്തുന്നത് സിസ്റ്റോളിക്, ഡയസ്റ്റോളിക് രക്തസമ്മര്ദ്ദം കുറയ്ക്കാന് സഹായിക്കുന്നു. പിസ്തയില് അടങ്ങിയിട്ടുള്ള പൊട്ടാസ്യം സോഡിയത്തിന്റെ പ്രതികൂല ഫലങ്ങള് സന്തുലിതമാക്കാന് സഹായിക്കുകയും രക്തക്കുഴലുകളുടെ ഭിത്തികളിലെ പിരിമുറുക്കം കുറയ്ക്കുകയും രക്തസമ്മര്ദ്ദം കുറയ്ക്കാന് സഹായിക്കുകയും ചെയ്യുന്നു. പിസ്തയില് ല്യൂട്ടിന്, ബീറ്റാ കരോട്ടിന്, വിറ്റാമിന് ഇ എന്നിവ അടങ്ങിയിട്ടുണ്ട്. ഇത് രക്തക്കുഴലുകളെ ഓക്സിഡേറ്റീവ് സമ്മര്ദ്ദത്തില് നിന്നും വീക്കത്തില് നിന്നും സംരക്ഷിക്കുന്നു. ഹൈപ്പര്ടെന്ഷന് എന്ന ജേണലില് പ്രസിദ്ധീകരിച്ച പഠനത്തിലാണ് ഈക്കാര്യം വ്യക്തമാക്കുന്നത്.
