വയനാട് പുല്പ്പള്ളിയില് കടുവ ആക്രമണത്തില് ഒരു മരണം. മാടപ്പള്ളി ദേവര്ഗദ്ധ ഉന്നതിയിലെ ഊരുമൂപ്പന് കൂമനാണ് കൊല്ലപ്പെട്ടത്. വിറകുശേഖരിക്കാന് പോയ കൂമനെ പുഴയോരത്തു വച്ച് കടുവ പിടികൂടുകയായിരുന്നു എന്നാണ് റിപ്പോര്ട്ട്.
സംഭവത്തില് കടുവയെ കണ്ടെത്തുന്നതിനും തുടര്നടപടികള് സ്വീകരിക്കുന്നതിനും വനം വകുപ്പ് നടപടികള് ആരംഭിച്ചതായി വനം മന്ത്രി എ.കെ.ശശീന്ദ്രന് അറിയിച്ചു. മൃതദേഹം ആശുപത്രിയിലേക്ക് മാറ്റുന്നതിനും മറ്റു തുടര്നടപടികളും വനം വകുപ്പ് നടത്തും. കടുവയെ തിരിച്ചറിയുന്നതിന് വനത്തിനകത്ത് വിവിധ സ്ഥലങ്ങളില് ക്യാമറ സ്ഥാപിക്കുന്നതിന് നിര്ദ്ദേശം നല്കിയിട്ടുണ്ടെന്നും എല്ലാ ഉന്നതികളില് താമസിക്കുന്നവര്ക്കും ജാഗ്രതാ നിര്ദ്ദേശവും ആവശ്യമായ സംരക്ഷണവും നല്കാന് വനം ഉദ്യോഗസ്ഥരോട് നിര്ദ്ദേശിച്ചതായും മന്ത്രി വ്യക്തമാക്കി.
