പനി ഉള്ളപ്പോള് കാപ്പി കുടിക്കാമോ? പനിയും ജലദേഷവും ഉള്ളപ്പോള് കാപ്പി കുടിക്കുന്നത് അത്ര ആരോഗ്യകരമല്ലെന്നാണ് ആരോഗ്യവിദഗ്ധര് പറയുന്നത്. കാപ്പിയില് അടങ്ങിയ കഫൈന് ആണ് ഇതിന് കാരണം. കഫൈന് ഉണര്ന്നിരിക്കാന് പ്രോത്സാഹിപ്പിക്കും. എന്നാല് രോഗാവസ്ഥയില് വിശ്രമമം അത്യാവശ്യമാണ്. എത്ര ഉറക്കം കിട്ടുന്നുവോ അത്രയും നല്ലത്. കാപ്പിയോ കഫൈന് അടങ്ങിയ മറ്റ് പാനീയങ്ങളോ കുടിക്കുമ്പോള് ഇതിന് നേരെ വിപരീതമാണ് സംഭവിക്കുന്നത്. ഇത് ശരീരത്തെ വിശ്രമിക്കാനും ഉറങ്ങാനും സഹായിക്കില്ലെന്ന് മാത്രമല്ല നിര്ജ്ജലീകരണം ഉണ്ടാക്കുകയും ചെയ്യുമെന്ന് ആരോഗ്യവിദഗ്തര് ഓര്മ്മിപ്പിക്കുന്നു. കാപ്പി കുടിച്ച് കഴിഞ്ഞാല് ഇടയ്ക്കിടെ മൂത്രമൊഴിക്കാന് തോന്നുന്നതിന്റെ കാരണമിതാണ്. എത്രയധികം കാപ്പി കുടിക്കുന്നുവോ അത്രയധികം നിര്ജലീകരണം ശരീരത്തിന് അനുഭവപ്പെടാമെന്നാണ് ആരോഗ്യവിദഗ്തര് പറയുന്നത്. അസുഖ ബാധിതരായിരിക്കുമ്പോള് ശരീരത്തില് ജലാംശം ഉണ്ടാകണം. ശരീരത്തിനു നല്ല വിശ്രമവും പോഷകസമ്പുഷ്ടമായതും എളുപ്പം ദഹിക്കുന്നതുമായ ആഹാരവുമാണ് ഈ സമയത്ത് ആവശ്യം. കാപ്പിക്ക് പകരം ചൂടു വെള്ളം, കഞ്ഞി വെള്ളം എന്നിവ കുടിക്കാമെന്നും ആരോഗ്യവിദഗ്തര് നിര്ദ്ദേശിക്കുന്നു.
