ന്യൂഡല്‍ഹി: കാബൂളില്‍നിന്നുള്ള മലയാളി കന്യാസ്ത്രീ അടക്കം 78 പേരുമായി എയര്‍ ഇന്ത്യാ വിമാനം ഡല്‍ഹി അന്താരാഷ്ട്ര വിമാനത്താവളത്തില്‍ ലാന്റ് ചെയ്തു. ഇറ്റാലിയന്‍ സ്‌കൂളില്‍ പ്രവര്‍ത്തിച്ചുവരുകയായിരുന്നു മലയാളികൂടിയായ സിസ്റ്റര്‍ തെസ്രേ ക്രസ്റ്റ. രാജ്യത്ത് മടങ്ങി എത്തിയവരെ സ്വീകരിക്കാന്‍ കേന്ദ്ര മന്ത്രിമാര്‍ അടക്കം വിമാനത്താവളത്തില്‍ സന്നിഹിതരായിരുന്നു.
അതേസമയം, അഫ്ഗാനില്‍ കുടുങ്ങിയ ഇന്ത്യക്കാരെ നാട്ടിലെത്തിക്കുന്നതിന് സര്‍ക്കാര്‍ നടത്തിവരുന്ന രക്ഷാ പ്രവര്‍ത്തനത്തിന്റെ വിശദാംശങ്ങള്‍ നാളെ നടക്കുന്ന സര്‍വ്വകക്ഷിയോഗത്തില്‍ വിദേശകാര്യ മന്ത്രാലയം വിശദീകരിക്കും. താലിബാനോടുള്ള കേന്ദ്ര സര്‍ക്കാരിന്റെ നയവും യോഗത്തില്‍ വിദേശകാര്യമന്ത്രാലയം വിശദീകരിക്കും.
