ഇന്ത്യയിൽ നിന്ന് ഇറക്കുമതി ചെയ്യുന്ന 400 ലധികം ഭക്ഷ്യ ഉൽപന്നങ്ങൾക്ക് യൂറോപ്യൻ യൂണിയൻ നിരോധനം ഏർപ്പെടുത്തിയതായി റിപ്പോർട്ട്. മായം കലർന്നതിനെ തുടർന്നാണ് ഈ ഭക്ഷ്യവസ്തുക്കൾ നിരോധിച്ചെതെന്ന് ഒരു ദേശീയ മാധ്യമം റിപ്പോർട്ട് ചെയ്തു. ഇന്ത്യയിൽ നിന്നുള്ള 527 ഭക്ഷ്യ ഉൽപന്നങ്ങളിൽ കാൻസറിന് കാരണമാകുന്ന എഥിലീൻ ഓക്സൈഡ് രാസവസ്തുക്കൾ കണ്ടെത്തിയിട്ടുണ്ടെന്നും റിപ്പോർട്ടിൽ പറയുന്നു. ചിലതിൽ മെർക്കുറി, കാഡ്മിയം തുടങ്ങിയ ലോഹങ്ങൾ കണ്ടെത്തിയിട്ടുണ്ട്. അരി, സുഗന്ധവ്യഞ്ജനങ്ങൾ, ഔഷധസസ്യങ്ങൾ എന്നിവയിൽ ട്രൈസൈക്ലസോൾ കണ്ടെത്തിയിട്ടുണ്ട്. ഈ രാസവസ്തു യൂറോപ്യൻ യൂണിയൻ നേരത്തെ നിരോധിച്ചതാണ്. മുളക്, കാപ്പി എന്നിവയുൾപ്പെടെ 10 ഉൽപ്പന്നങ്ങളിൽ ക്ലോറോഎഥനോൾ അടങ്ങിയിട്ടുള്ളതായും റിപ്പോർട്ടിൽ പറയുന്നു. മാത്രമല്ല, നിലക്കടല, പരിപ്പ് എന്നിവലും അഫ്ലാറ്റോക്സിൻ എന്ന വിഷ കാർസിനോജനും കരൾ തകരാറിനും ക്യാൻസറിനും കാരണമാകുന്ന മ്യൂട്ടജനും അടങ്ങിയിട്ടുണ്ട്. മല്ലി പൊടിയിൽ ക്ലോർപൈറിഫോസ് അടങ്ങിയിട്ടുണ്ട്. ഇത് പ്രധാനമായും ഇലകളിലൂടെയും മണ്ണിലൂടെയും പരത്തുന്ന പ്രാണികളെ നിയന്ത്രിക്കാൻ ഉപയോഗിക്കുന്ന കീടനാശിനിയാണ്. എന്നാൽ വിഷയത്തിൽ കർശനമായ പരിശോധന നടത്തുന്നുണ്ടെന്ന് ഇന്ത്യൻ ഫുഡ് സേഫ്റ്റി ആൻഡ് സ്റ്റാൻഡേർഡ് അതോറിറ്റി വ്യക്തമാക്കി.
