എെറ്റം സോംഗ് എന്നാല്‍ എന്തെന്ന് അക്ഷരാര്‍ത്ഥത്തില്‍ തനിക്ക് മനസിലായിട്ടില്ലെന്ന് ബോളിവുഡ് ചൂടന്‍ താരം സണ്ണി ലിയോണ്‍. ഷാരൂഖ് ഖാന്‍ നായകനായി എത്തുന്ന റായീസിലെ സണ്ണിയുടെ എെറ്റം നമ്പറിനെ കുറിച്ച് മാധ്യമങ്ങള്‍ ചോദിച്ചപ്പോഴായിരുന്നു താരത്തിന്റെ പ്രതികരണം.
പാട്ടുകളില്‍ മോശമെന്നോ അശ്ലീലമെന്നോ താന്‍ വേര്‍തിരിക്കുന്നില്ലെന്നും സിനിമയുടെ കഥാഗതിയില്‍ ഏറെ പ്രാധാന്യമുള്ള പാട്ടാണിതെന്നും താരം പറയുന്നു. എണ്‍പതുകളില്‍ പുറത്തിറങ്ങിയ കുര്‍ബാനി എന്ന ചിത്രത്തില്‍ സീനത്ത് അമന്‍ അവതരിപ്പിച്ച ലൈല ഒ ലൈല എന്ന ഗാനത്തിന്റെ പുനരവതരണത്തിലാണ് സണ്ണി റായീസില്‍ ചുവടുവെക്കുന്നത്.
ഷാറൂഖ് ഖാനൊപ്പം ചിത്രത്തിലെത്തുന്നതിന്റെ ത്രില്‍ സണ്ണി ലിയോണ്‍ മറച്ചുവെച്ചില്ല. തന്റെ ഒരു സ്വപ്നം യാഥാര്‍ത്ഥ്യമാകുന്നതു പോലെയാണിതെന്നും സണ്ണി വ്യക്തമാക്കുന്നു.
