കഴിഞ്ഞ 24 വര്‍ഷമായി ഒരു ദിവസം പോലും മുടങ്ങാതെ തിരുവനന്തപുരം ജനറല്‍ ആശുപത്രിയില്‍ ആരോരുമില്ലാത്ത ആളുകള്‍ ചികിത്സ കഴിഞ്ഞു സംരക്ഷിക്കപ്പെടുന്ന ഒന്‍പതാം വാര്‍ഡില്‍ ഉച്ചഭക്ഷണം നല്‍കുന്ന രാമചന്ദ്രന്‍ പിള്ളയെ പ്രശംസിച്ചു ആരോഗ്യമന്ത്രി വീണ ജോര്‍ജ്. തിരുവോണ ദിനത്തില്‍ ഉച്ചക്ക് ജനറല്‍ ആശുപത്രിയില്‍ അന്തേവാസികള്‍ക്ക് ഓണക്കോടി നല്‍കാനെത്തിയപ്പോഴാണ് ആരോഗ്യമന്ത്രി രാമചന്ദ്രനെ കണ്ടത്. ടെക്‌നിക്കല്‍ എഡ്യൂക്കേഷന്‍ ഡിപ്പാര്‍ട്‌മെന്റില്‍ നിന്ന് വിരമിച്ച അദ്ദേഹത്തിന്റെ നിശ്ശബ്ദസേവനത്തിനു മന്ത്രി നന്ദി രേഖപ്പെടുത്തി.
