സംസഥാനത്ത് സ്വര്ണവില സര്വ്വകാല റെക്കോര്ഡില്. ഇന്ന് ഗ്രാമിന് 800 രൂപ വര്ദ്ധിച്ചു. ഇതോടെ സ്വര്ണവില പവന് 1,05,320 രൂപയായി ഉയര്ന്നു. ഏറ്റവും കുറഞ്ഞ പണിക്കൂലിയായ 5 ശതമാനവും ഒപ്പം ജിഎസ്ടി മൂന്ന് ശതമാനവും ഹാള്മാര്ക്കിങ് ചാര്ജും ചേര്ത്താല് ഒരു പവന് സ്വര്ണാഭരണത്തിന് നിലവില് ഏകദേശം 1,15,000 രൂപയ്ക്ക് മുകളില് നല്കണം.
അന്താരാഷ്ട്ര സംഘര്ഷങ്ങള് വര്ധിക്കുന്ന സാഹചര്യത്തില് സ്വര്ണ്ണവില വീണ്ടും ഉയര്ന്നേക്കുമെന്നാണ് സൂചന. ഓള് കേരള ഗോള്ഡ് ആന്ഡ് സില്വര് മര്ച്ചന്റ് അസേസിയേഷന് അന്താരാഷ്ട്ര വിലയെ അനുസൃതമാക്കിയാണ് കേരളത്തില് വില നിശ്ചയിക്കുന്നത്. അന്താരാഷ്ട്ര വിപണി നിരക്കുകള്, ഇറക്കുമതി തീരുവകള്, നികുതികള്, വിനിമയ നിരക്കുകളിലെ ഏറ്റക്കുറച്ചിലുകള് എന്നിവയാണ് പ്രധാനമായും ഇന്ത്യയിലെ സ്വര്ണ്ണ വിലയെ സ്വാധീനിക്കുന്നത്.
