കോഴിക്കോട് മുക്കത്തും പരിസര പ്രേദേശങ്ങളിലുമായി 15 ലേറെ പേരെ കടിച്ച തെരുവുനായയ്ക്ക് പേ വിഷ ബാധ സ്ഥിരീകരിച്ചു. വയനാട് പൂക്കോട് വെറ്ററിനറി കോളജില് നടത്തിയ പോസ്റ്റ് മോര്ട്ടത്തിലാണ് പേ വിഷ ബാധ കണ്ടെത്തിയത്. 23 നു രാത്രിയിലാണ് അഗസ്ത്യന്മൂഴി, മാമ്പറ്റ, കുറ്റിപ്പാല, മണാശ്ശേരി, രാമന്റോഡ് ഭാഗങ്ങളില് പതിനഞ്ചിലേറെ പേരെ നായ കടിച്ചത്. രാത്രി വൈകി നടത്തിയ പരിശോധനയില് നായയെ ചത്ത നിലയില് കണ്ടെത്തിയിരുന്നു.
