അഴിമതിക്കെതിരെ കെജ്‌രിവാളും സംഘവും എടുത്ത ചൂൽ കോൺഗ്രസിനെ ഈവട്ടം പൂർണമായും അടിച്ചു പുറത്താക്കി. ഡൽഹി നീയമസഭ തിരഞ്ഞെടുപ്പിന്റെ വോട്ടെണ്ണൽ പൂർത്തിയായപ്പോൾ 63 സീറ്റുകൾ നേടി എ.എ.പി വിജയിച്ചു. 20 സീറ്റ് വരെ ബി.ജെ.പി. ലീഡിൽ വന്നെങ്കിലും അവസാന ഫലത്തിൽ 7 സീറ്റുകൾ മാത്രമാണ് ബി.ജെ.പി ക്ക് ലഭിച്ചത്. അതെ സമയം കോൺഗ്രസിന് സീറ്റുകളൊന്നും ലഭിച്ചില്ല. ഒരു സീറ്റിന്റെ ലീഡിൽ വന്നെങ്കിലും അവസാനമായപ്പോഴേക്കും അതും നഷ്ടമാവുകയായിരുന്നു.
