തിരുവനന്തപുരം: പ്രസവശസ്ത്രക്രിയ ചെയ്യാന്‍ കൈക്കൂലി വാങ്ങിയ സര്‍ക്കാര്‍ ഡോക്ടര്‍ക്ക് തടവ് ശിക്ഷ വിധിച്ചു. മൂന്ന് വര്‍ഷം തടവും അരലക്ഷം രൂപ പിഴയുമാണ് തിരുവനന്തപുരം വിജിലന്‍സ് കോടതി വിധിച്ചത്. കടയ്ക്കല്‍ സര്‍ക്കാര്‍ ആശുപത്രിയിലെ മുന്‍ ഗൈനോക്കോളജിസ്റ്റ് റിനു അനസ് റാവുത്തറെ ശിക്ഷിച്ചത്.
പ്രസവ ശസ്ത്രക്രിയക്ക് കൈക്കൂലി വാങ്ങുന്നതിനിടെ റിനു അനസിനെ വിജിലന്‍സ് സംഘം പിടികൂടിയിരുന്നു. ഈ കേസിന്റെ വിചാരണയ്‌ക്കൊടുവിലാണ് കോടതി ഡോ.റിനു കുറ്റക്കാരിയാണെന്ന് കണ്ടെത്തിയതും ശിക്ഷവിധിച്ചതും.
