ബാബു ആന്റണി ഫെയ്‌സ്ബുക്കില്‍ പങ്കുവച്ച ട്രോളിനു പിന്നാലെയാണിപ്പോള്‍ ആരാധകര്‍. ‘ബാബു ആന്റണിയുടെ രൂപം ഏത്തവാഴയില്‍, എന്തുചെയ്യണമെന്നറിയാതെ സിനിമാലോകം’ എന്ന വാചകം ചേര്‍ത്ത ട്രോളിന് ‘ഇത് അയച്ചു തന്നവര്‍ക്കു നന്ദി. ഹൃദയം തുറന്ന് പൊട്ടിച്ചിരിക്കാനുള്ള വക ഇതിലുണ്ട്. ഏത്തവാഴയും എന്റെ ആരാധകരില്‍ ഒരാളാണെന്ന് കണ്ടതില്‍ സന്തോഷം’ എന്ന താരത്തിന്റെ പ്രതികരണമാണ് വൈറലായിരിക്കുന്നത്.
‘വാഴ അടുത്തുള്ള വാഴകളെ ഇടിച്ചു കൊണ്ടിരിക്കുന്നു’, ‘ഫ്രീക്കന്‍ ഏത്തവാഴ ആയിരിക്കും..ടാറ്റൂ കുത്തിയതാ’…എന്നിങ്ങനെ രസകരമായ കമന്റുകളാണ് പോസ്റ്റിനു ലഭിച്ചുകൊണ്ടിരിക്കുന്നത്.
മലയാളത്തില്‍ നായകനായി തിരിച്ചുവരവിന് തയ്യാറെടുക്കുകയാണിപ്പോള്‍ ബാബു ആന്റണി. ഒമര്‍ലുലു സംവിധാനം ചെയ്യുന്ന പവര്‍സ്റ്റാറില്‍ താരം നായകനായാണ് താരം എത്തുന്നത്. സിനിമയുടെ ചിത്രീകരണം അടുത്ത വര്‍ഷം തുടങ്ങും.
