സംസ്ഥാനത്ത് കനത്ത മഴയും വെള്ളക്കെട്ടും തുടരുന്നതിന് ഇടയില് മുല്ലപ്പെരിയാര് അണക്കെട്ടിന്റെ ഷട്ടര് നാളെ തുറക്കും. ഡാമിലെ വെള്ളം തമിഴ്നാട് കമ്പം താഴ്വരയിലെ കൃഷിഭൂമിയിലേക്ക് ആയിരിക്കും തുറന്നുവിടുക. തമിഴ്നാട് മന്ത്രി നിര്മല് കുമാര് ചടങ്ങില് സാന്നിദ്ധ്യമറിയിക്കും.
14,707 ഏക്കര് സ്ഥലത്തെ ഒന്നാം നെല്കൃഷിയ്ക്കായാണ് ജലം ലഭ്യമാക്കുന്നത്. സാധാരണ ജൂണ് ഒന്നിനാണ് ഷട്ടര് തുറക്കുക. ഇത്തവണ നീരൊഴുക്ക് കുറഞ്ഞതിനാലാണ് രണ്ട് മാസത്തിലധികം വൈകിയത്. ടിവികെ സര്ക്കാര് അധികാരത്തില് എത്തിയതിന് ശേഷമുള്ള ആദ്യ മന്ത്രിതല സന്ദര്ശനമാണിത്.
