ശബരിമല കയറുമ്പോള്‍ പേശിവേദന അനുഭവപ്പെടുന്ന തീര്‍ഥാടകര്‍ക്ക് സൗജന്യ ചികില്‍സയൊരുക്കി ഓള്‍ ഇന്ത്യ ഫിസിയോതെറപ്പി അസോസിയേഷന്‍. കായിക വേദികള്‍ ഉപയോഗിക്കുന്ന സ്‌പോര്‍ട്‌സ് ഫിസിയോതെറാപ്പിയാണ് പേശിവേദന അനുഭവപ്പെടുന്ന തീര്‍ഥാടകര്‍ക്ക് സൗജന്യമായി നല്‍കുന്നത്. ഓള്‍ ഇന്ത്യ ഫിസിയോതെറാപ്പി അസോസിയേഷനും, പത്തനംതിട്ട പാലിയേറ്റീവ് ആന്‍ഡ് റീഹാബിലിറ്റേഷന്‍ സെന്ററും ചേര്‍ന്നാണ് ശബരിമലയില്‍ ഫിസിയോതെറാപ്പി കേന്ദ്രം ഒരുക്കിയത്. ശബരീ പീഠത്തിന് അടുത്തുള്ള ഫോറസ്റ്റ് ഓഫീസിലാണ് കേന്ദ്രം പ്രവര്‍ത്തിക്കുന്നത്.
