ചൈനയിൽ സ്ത്രീകൾക്ക് വൈകാരികമായ പിന്തുണ ലഭ്യമാക്കുന്നതിനുള്ള ഒരു വഴിയെന്ന നിലയിൽ രൂപപ്പെട്ട ഒരാശയമാണ് മാൻ മം ട്രെൻഡ്. വൈകാരികമായ പ്രശ്നങ്ങളും ജോലിസ്ഥലത്തെയോ വിദ്യാഭ്യാസ സ്ഥാപനത്തിലെയോ സമ്മർദവുമെല്ലാം കൊണ്ട് ബുദ്ധിമുട്ടുന്ന സ്ത്രീകൾക്ക് ആശ്വാസമാകുന്നതാണ് ഈ സേവനം. ജിമ്മിൽ നിന്ന് പരിശീലനം നേടിയ യുവാക്കളാണ് ആലിംഗനത്തിനായി എത്തുന്നത്. ഇവർ നൽകുന്നതാകട്ടെ പ്രണയരഹിതമായ ആലിംഗനവും. മെട്രോ സ്റ്റേഷനുകൾ, ഷോപ്പിങ് മാളുകൾ തുടങ്ങിയ പൊതു ഇടങ്ങളിൽ വെച്ചാണ് ആലിംഗന തെറാപ്പി നടക്കുക. ഈ സേവനം വെറുതെ കിട്ടുന്നതല്ല, 250 മുതൽ 600 രൂപ വരെ ഇതിനായി നൽകേണ്ടിവരും. സമയമനുസരിച്ചാകും തുക നിശ്ചയിക്കുക. വർദ്ധിച്ചുവരുന്ന ഏകാന്തതയും മാനസികാരോഗ്യ പ്രശ്നങ്ങളും നേരിടാൻ ‘മാൻ മം’ ട്രെൻഡ് സഹായിക്കുന്നുവെന്നാണ് ചൈനക്കാരുടെ അഭിപ്രായം.
