കൊച്ചി: റിയല്‍ എസ്റ്റേറ്റ് ഇടപാടുമായി ബന്ധപ്പെട്ട് സിനിമാ താരം കുഞ്ചാക്കോ ബോബനില്‍നിന്നും 25 ലക്ഷം രൂപ തട്ടിയെടുത്തെ പരാതിയില്‍ ഇടപാടുകാരന്‍ അറസ്റ്റില്‍. കട്ടപ്പന കാഞ്ചിയാര്‍ സ്വദേശി പി.ജെ. വര്‍ഗീസാണ് (46) അറസ്റ്റിലായത്. കുഞ്ചാക്കോ ബോബന്‍ നല്‍കിയ പരാതിയ
കടവന്ത്ര പൊലീസിനാണ് അറസ്റ്റ് രേഖപ്പെടുത്തിയത്.
നാലു മാസം മുമ്പാണ് തട്ടിപ്പിന് ഇരയായതു സംബന്ധിച്ച് കുഞ്ചാക്കോ ബോബന്‍ പൊലീസില്‍ പരാതി നല്‍കിയത്. ഏറണാകുളം പുത്തന്‍ കുരിശില്‍ കുഞ്ചാക്കോ ബോബന്റെ പങ്കാളിത്തത്തോടെ സ്ഥലം വാങ്ങാമെന്ന് പറഞ്ഞ് 25 ലക്ഷം രൂപ കൈപ്പറ്റിയിരുന്നു. എന്നാല്‍ ഈ ഇടപാട് നടന്നില്ല. ഇടപാട് മുടങ്ങിയിട്ടും കുഞ്ചാക്കോ ബോബനില്‍നിന്ന് ഇയാള്‍ വാങ്ങിയ പണവും മടക്കി നല്‍കിയിരുന്നില്ല. പലതവണ പണം ആവശ്യപ്പെട്ട് സമീപിച്ചെങ്കിലും ഇയാള്‍ ഒഴിഞ്ഞുമാറുകയായിരുന്നു. ഇതേത്തുടര്‍ന്നാണ് കുഞ്ചാക്കോ പോലീസിനെ സമീപിച്ചത്.
