ശ്രീനഗര്‍: കശ്മീരിലെ നഗ്രോട്ട സൈനിക താവളത്തിന് നേരെയുണ്ടായ ഭീകരാക്രമണത്തില്‍ ഏഴ് ജവാന്മാര്‍ മരിച്ചു. ആക്രമണം നടത്തിയ മൂന്ന് തീവ്രവാദികളെ നീണ്ട നേരത്തെ പോരാട്ടത്തിനൊടുവില്‍ സൈന്യം വധിച്ചു. മാത്രമല്ല സാംബയില്‍ നുഴഞ്ഞുകയറാന്‍ ശ്രമിച്ച മൂന്ന് തീവ്രവാദികളെയും സൈന്യം വധിച്ചു. ഇവര്‍ ബന്ദികളാക്കിയവരെ സൈന്യം മോചിപ്പിച്ചു.
പുലര്‍ച്ചെ അഞ്ചരയ്ക്കാണ് സൈനിക താവളത്തിന് നേരെ ആക്രമണം ഉണ്ടായത്. ഗ്രനേഡ് എറിഞ്ഞാണ് തീവ്രവാദികള്‍ സൈനിക താവളത്തില്‍ പ്രവേശിച്ചത്. പിന്നീട് വെടിയുതിര്‍ക്കുകയായിരുന്നു.
കശ്മീര്‍ അതിര്‍ത്തി സംരക്ഷിക്കുകയും ഭീകരരുടെ നുഴഞ്ഞു കയറ്റം ചെറുക്കുകയും ചെയ്യുന്ന സൈന്യത്തിന്റെ 16 കോര്‍ വിഭാഗത്തിന്റെ കേന്ദ്ര ആസ്ഥാനമാണ് നഗ്രോട്ട.
