അമ്പരിപ്പിക്കുന്ന ലുക്കില്‍ നായകനും വില്ലനും, 2.0 ഫസ്റ്റ്‍ലുക്ക്

സ്റ്റൈല്‍ മന്നന്‍ രജനീകാന്തിന്റെ ആരാധകര്‍ അക്ഷമരായി കാത്തിരിക്കുന്ന ഷങ്കര്‍ ചിത്രം 2.0യുടെ ഫസ്റ്റ്‍ലുക്ക് എത്തി. മുംബൈയിലെ യാഷ് രാജ് സ്റ്റുഡിയോയില്‍ നടന്ന വര്‍ണാഭമായ ചടങ്ങിലാണ് ഫസ്റ്റ്‌ലുക്ക് പോസ്റ്റര്‍ പുറത്തിറക്കിയത്. മെഗാഹിറ്റായ യന്തിരന്റെ രണ്ടാം ഭാഗമാണ് 2.0.

ചിത്രത്തിലെ അക്ഷയ് കുമാറിന്റെ വ്യത്യസ്തമായ ഗെറ്റപ്പാണ് ഫസ്റ്റ് ലുക്കിന്റെ മുഖ്യാകര്‍ഷണം. ചിത്രത്തിന്റെ റിലീസ് വിവരവും അണിയറ പ്രവര്‍ത്തകര്‍ പുറത്ത് വിട്ടു. 2017 ദിപാവലിയ്ക്കായിരിക്കും ചിത്രം തിയേറ്ററുകളിലെത്തുക. രജനിയും അക്ഷയുമുള്ള രണ്ടാമത്തെ പോസ്റ്ററും അതിഗംഭീരവും ചിത്രത്തെക്കുറിച്ചുള്ള പ്രതീക്ഷ വര്‍ധിപ്പിക്കുന്നതുമാണ്.