ആമിര്‍ ഖാന്‍ ചിത്രം ദംഗലില്‍ അഭിനയിച്ച കശ്‍മീരി നടി സൈറ വാസിമിനെതിരെ വീണ്ടും ട്രോള്‍ ആക്രമണം. സൈറയുടെ അമ്മ 2014ല്‍ ഫേസ്‍ബുക്കില്‍ ചെയ്‍ത പോസ്റ്റുകള്‍ ചികഞ്ഞെടുത്താണ് ട്വിറ്ററില്‍ താരത്തിന് ട്രോള്‍ ആക്രമണം ഉണ്ടായിരിക്കുന്നത്.
ഇന്ത്യ-പാകിസ്ഥാന്‍ ക്രിക്കറ്റ് മത്സരത്തില്‍ പാകിസ്ഥാന്‍ അനുകൂല പോസ്റ്റുകള്‍ സൈറയുടെ അമ്മ, സര്‍ക്ക വാസിം പോസ്റ്റ് ചെയ്‍തിരുന്നു. ഈ പോസ്റ്റുകളാണ് വിനയായത്. സംഗതി വൈറലായതോടെ പോസ്റ്റുകള്‍ സൈറയുടെ അമ്മ നീക്കം ചെയ്‍തു. പക്ഷേ, അപ്പോഴേക്കും ട്രോളുകള്‍ ട്വിറ്ററില്‍ നിറഞ്ഞിരുന്നു.
രാജ്യദ്രോഹികള്‍ക്ക് ബോളിവുഡ് ഇടം നല്‍കുന്നു എന്നായിരുന്നു ചിലരുടെ ആരോപണം. പാകിസ്ഥാനിലേക്ക് പോകാന്‍ ആയിരുന്നു ട്വീറ്റുകളില്‍ ചിലത്‌. മറ്റു ചിലര്‍ ബോളിവുഡിനെ വിമര്‍ശിച്ചു.
