മീൻ മാർക്കറ്റിൽ നിന്ന് ചൂര വാങ്ങുമ്പോൾ നടുവിൽ കാണുന്ന കറുത്ത ഭാഗം ഇനി ഒഴിവാക്കേണ്ട. പലരും തെറ്റിദ്ധരിക്കുന്നതുപോലെ ഇതൊരു രക്തക്കറയോ മാലിന്യമോ അല്ല, മറിച്ച് പോഷകങ്ങളുള്ള ഒരു പ്രത്യേക രക്തപേശികളാണ്. ഈ ഭാഗത്തിന് കറുപ്പ് നിറം നൽകുന്നത് ഉയർന്ന അളവിലുള്ള മയോഗ്ലോബിൻ എന്ന പ്രോട്ടീനാണ്. ഓക്സിജൻ സംഭരിക്കുന്നതിൽ പ്രധാന പങ്ക് വഹിക്കുന്ന ഈ പേശികളാണ് മണിക്കൂറിൽ 40 മൈലിലധികം വേഗതയിൽ ദീർഘദൂരം നിർത്താതെ സഞ്ചരിക്കാൻ ചൂരയെ സഹായിക്കുന്നത്. ഇത് ചൂരയുടെ ‘സൂപ്പർ പവർ’ സ്രോതസ്സാണ്.
കഴിക്കാൻ സുരക്ഷിതമാണെങ്കിലും, സാധാരണ മീനിറച്ചിയേക്കാൾ ശക്തമായ, അല്പം കയ്പ്പുള്ള, ഇരുമ്പിന്റെ രുചി ഇതിനുണ്ടാകും. രുചി വ്യത്യാസം കാരണമാണ് പലരും ഇത് ഒഴിവാക്കുന്നത്. എന്നാൽ, ഇറ്റലി, ജപ്പാൻ തുടങ്ങിയ രാജ്യങ്ങളിൽ ഈ ഭാഗം മാത്രം ഉപയോഗിച്ച് ‘ഗാറം’ പോലുള്ള ഫിഷ് സോസുകൾ നിർമ്മിക്കുന്നുണ്ട്. അതുകൊണ്ട്, അടുത്ത തവണ ചൂര വാങ്ങുമ്പോൾ ഈ കറുത്ത പേശി പോഷകങ്ങളുടെ ഒരു കലവറയാണെന്ന് ഓർക്കുക. രുചി ഇഷ്ടമാണെങ്കിൽ ധൈര്യമായി കഴിക്കാം
