പണം മുന്‍കൂറായി നല്‍കാത്തതിനാല്‍ ആംബുലന്‍സ് സേവനം ഡ്രൈവര്‍ വൈകിപ്പിച്ചതിനെ തുടര്‍ന്ന് രോഗി മരിച്ച സംഭവത്തില്‍ ആരോഗ്യ വകുപ്പ് പ്രാഥമിക അന്വേഷണം നടത്തി. ആശുപത്രി സൂപ്രണ്ട് നടത്തിയ പ്രാഥമിക അന്വേഷണ റിപ്പോര്‍ട്ടില്‍ ആംബുലന്‍സ് ഡ്രൈവര്‍രോഗിയെ ജനറല്‍ ആശുപത്രിയിലെത്തിക്കുന്നത് അര മണിക്കൂര്‍ വൈകിപ്പിച്ചുവെന്ന് വ്യക്തമാക്കുന്നു. ആശുപത്രി ജീവനക്കാരില്‍ നിന്നും വിവരങ്ങള്‍ തേടിയാണ് റിപ്പോര്‍ട്ട് തയ്യാറാക്കിയത്. ആശുപത്രിയുടെ ഭാഗത്ത് വീഴ്ചയില്ലെന്നും ആംബുലന്‍സ് ഡ്രൈവറോട് വിശദീകരണം തേടിയെന്നും ആശുപത്രി സൂപ്രണ്ട് ആരോഗ്യവകുപ്പിന് സമര്‍പ്പിച്ച റിപ്പോര്‍ട്ടില്‍ വ്യക്തമാക്കുന്നു. ചികിത്സ വൈകിയതിനെ തുടര്‍ന്ന് വടക്കന്‍ പറവൂര്‍ സ്വദേശി അസ്മയാണ് മരിച്ചത്. സംഭവത്തിന് ശേഷം ഡ്രൈവറെ ഡ്യൂട്ടിയില്‍ നിന്നും മാറ്റി.
