ന്യൂഡല്‍ഹി: രാജ്യം കണ്ട മികച്ച നേതാക്കളില്‍ ഒരാള്‍, പ്രധാനമന്ത്രി നരേന്ദ്ര മോദിക്ക് ഇന്ന് എഴുപത്തിയൊന്നാം പിറന്നാള്‍. പ്രധാനമന്ത്രിയുടെ ജന്മദിനത്തോട് അനുബന്ധിച്ച് സേവാ ഓര്‍ സമര്‍പ്പണ്‍ അഭിയാന്‍ എന്ന പേരില്‍ മൂന്നാഴ്ച നീണ്ടുനില്‍ക്കുന്ന ആഘോഷ പരിപാടികള്‍ രാജ്യത്ത് അരങ്ങേറും.
ആഘോഷങ്ങളുടെ ഭാഗമായി നമോ ആപ്പിലൂടെ വാക്‌സിന്‍ സ്വീകരിച്ചവര്‍ക്ക് വീഡിയോ രൂപത്തില്‍ പ്രധാനമന്ത്രി നന്ദി രേഖപ്പെടുത്തും. ഗാന്ധിജയന്തി ദിനത്തില്‍ ഖാദി ഉല്‍പ്പന്നങ്ങളുടെ ഉപയോഗത്തിനും അദ്ദേഹം ആഹ്വാനം നല്‍കും.
പ്രധാനമന്ത്രിയുടെ ജന്മ ദിനം വലിയ രീതിയില്‍ ആഘോഷിക്കാനാണ് ബി.ജെ.പിയുടെ തീരുമാനം. സംസ്ഥാന ഘടകങ്ങളുടെ നേതൃത്വത്തില്‍ അതാത് സംസ്ഥാനങ്ങളില്‍ വിവിധ പരിപാടികള്‍ അരങ്ങേറും. കേരളത്തിലും പ്രധാനമന്ത്രിയുടെ ജന്മദിനം മികച്ച രീതിയില്‍ ആഘോഷിക്കാനാണ് സംസ്ഥാന നേതൃത്വത്തിന്റെ തീരുമാനം.
