ചെന്നൈ : തിരുച്ചിറപ്പള്ളിയിലെ പടക്ക നിര്‍മ്മാണശാലയില്‍ ഉഗ്ര സ്‌ഫോടനം. സ്‌ഫോടനത്തില്‍ പത്ത് തൊഴിലാളികള്‍ മരിച്ചു. സംഭവ സമയം കെട്ടിടത്തിന് പുറത്ത് നില്‍ക്കുകയായിരുന്ന നാലുപേരെ രക്ഷപെടുത്താനായിട്ടുണ്ട്. നിരവധിപ്പേര്‍ ഇപ്പോഴും കെട്ടിടത്തിനുള്ളില്‍ കുടുങ്ങിക്കിടക്കുകയാണ്. പോലീസും ഫയര്‍ഫോഴ്‌സ് സ്ഥലത്തെത്തിയിട്ടുണ്ട്. രക്ഷാപ്രവര്‍ത്തനം പുരോഗമിക്കുന്നു.
24 പേരാണ് ഫാക്ടറിയില്‍ ഉണ്ടായിരുന്നത്. അതുകൊണ്ടു തന്നെ മരണസംഖ്യ ഉയര്‍ന്നേക്കാമെന്നാണ് റിപ്പോര്‍ട്ട്. കെട്ടിടം പൂര്‍ണ്ണമായും തകര്‍ന്നിട്ടില്ലെന്നാണ് റിപ്പോര്‍ട്ട്. പുറത്തെത്തിച്ചിട്ടുള്ളവരെ ഉടന്‍ തന്നെ ആശുപത്രിയിലേയ്ക്ക് മാറ്റിക്കൊണ്ടിരിക്കുകയാണ്.
Attachments area
