മലപ്പുറം പുത്തനങ്ങാടിയിൽ പിഞ്ചു കുഞ്ഞടക്കം 7 പേരെ തെരുവ് നായ കടിച്ചതായി റിപ്പോർട്ട്. അമ്മയുടെ തോളിൽ കിടന്ന ആറ് മാസം പ്രായമുള്ള കുഞ്ഞിനെ തെരുവ് നായ ചാടി കടിക്കുകയായിരുന്നു. കുട്ടിയെ ഉൾപ്പെടെ 7 പേരെ മഞ്ചേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ആദ്യം കുട്ടിയെ കടിച്ച തെരുവ് നായ പിന്നീട് ആളുകൾക്കിടയിലേക്ക് ഓടിനടന്ന് പലരെയും കടിക്കുകയായിരുന്നു. ഇന്നലെ വൈകുന്നേരം അഞ്ചരയോടെ ആയിരുന്നു സംഭവം നടന്നത്. പലരുടെയും ശരീരത്തിൽ ആഴത്തിലുള്ള മുറിവുകളുണ്ടെന്നാണ് വിവരം. നായയെ ഇതുവരെ പിടികൂടാൻ സാധിച്ചിട്ടില്ല.
