കൊല്ലത്ത് വീട്ടമ്മയ്ക്കെതിരെ ആസിഡ് ആക്രമണം. കല്ലുവെട്ടാൻകുഴി സ്വദേശി കവിതയെയാണ് ഭർത്താവായ ബിജു ആക്രമിച്ചത്. കവിതയുടെ മുഖത്തും കൈയ്ക്കും പൊള്ളലേറ്റിട്ടുണ്ട്. നിലവിളികേട്ട് ഓടിക്കൂടിയ നാട്ടുകാരാണ് യുവതിയെ കടയ്ക്കൽ താലൂക്ക് ആശുപത്രിയിൽ എത്തിച്ചത്. പഞ്ചായത്തിൽ നിന്ന് വീട് വെയ്ക്കാൻ ബിജുവിന്‍റെ പേരിൽ ഭൂമി അനുവദിച്ചിരുന്നു. ഈ വസ്തുവിൽ ഷെഡ് കെട്ടിയാണ് ബിജുവും കവിതയും അമ്മയും താമസിച്ചിരുന്നത്. എന്നാൽ പലതവണ കവിതയെയും അമ്മയെയും ഷെഡിൽ നിന്ന് ഇറക്കി വിടാൻ ബിജു ശ്രമിച്ചിരുന്നു. പ്രതിയുടെ ശല്യത്തെ തുടർന്ന് ഇവർ സമീപത്തുള്ള വാടക വീട്ടിലേക്ക് താമസം മാറിയിരുന്നു. അവിടെ എത്തിയാണ് ബിജു കവിതയെ ആക്രമിച്ചത്. പ്രതിയെ പൊലീസ് അറസ്റ്റ് ചെയ്തു.
