സംസ്ഥാനത്ത് ചൂട് തുടരുമെന്നു കേന്ദ്ര കാലാവസ്ഥത വകുപ്പ്. 12 ജില്ലകളിൽ യെലോ അലർട്ട് പ്രഖ്യാപിച്ചിട്ടുണ്ട്. കൊല്ലത്തും പാലക്കാടും 39 ഡിഗ്രി സെൽസ്യസ് രേഖപ്പെടുത്തി. തിങ്കളാഴ്ച വരെ ഉയർന്ന താപനില തുടരുമെന്ന് മുന്നറിയിപ്പുണ്ട്. തൃശൂർ, കോഴിക്കോട് – 38 ഡിഗ്രി സെൽഷിയസ് ഉം ; പത്തനംതിട്ട, കോട്ടയം, കണ്ണൂർ– 37 ഡിഗ്രി സെൽഷിയസ് വരെയും താപനില ഉയരും. ചൂട് കനക്കുന്ന സാഹചര്യത്തിൽ ജലജന്യ രോഗങ്ങൾക്കെതിരെയും, വേനൽ കാല രോഗങ്ങൾക്കെതിരെയും പൊതു ജനങ്ങൾ ജാഗ്രത പാലിക്കണമെന്ന് സംസ്ഥാന ആരോഗ്യ വകുപ്പ് നിർദ്ദേശിച്ചിട്ടുണ്ട്.
