പത്തനംതിട്ടയില്‍ മഴമൂലം റെഡ് അലര്‍ട്ട് പ്രഖ്യാപിച്ച സാഹചര്യത്തില്‍ ജില്ലാ കളക്ടറുമായി ചര്‍ച്ച ചെയ്ത് ജില്ലയിലെ സ്ഥിതി വിലയിരുത്തിയാതായി ആരോഗ്യ മന്ത്രി വീണ ജോര്‍ജ്. മണ്ണിടിച്ചില്‍ സാധ്യതയുള്ള പ്രദേശങ്ങളില്‍ ജനങ്ങള്‍ക്ക് മുന്നറിയിപ്പ് നല്‍കാന്‍ വില്ലേജ് ഓഫീസര്‍മാരെ ചുമതലപ്പെടുത്തിയതായി ജില്ലാ കളക്ടര്‍ മന്ത്രിയെ അറിയിച്ചു. ഉരുള്‍പൊട്ടല്‍ ഉണ്ടായ സ്ഥലങ്ങളിലെ കൃഷി നാശം സംബന്ധിച്ച് റിപ്പോര്‍ട്ട് തേടണമെന്ന് ബഹു. കൃഷി വകുപ്പ് മന്ത്രി ശ്രീ. പി. പ്രസാദിനോട് ആവശ്യപ്പെട്ടതായും ആരോഗ്യ മന്ത്രി വ്യക്തമാക്കി.
