നൂതന ആരോഗ്യരംഗത്ത് ഇന്ത്യയുടെ കയ്യൊപ്പ്. ഇന്ത്യയില്‍ ആദ്യമായി രക്തരഹിത ഹൃദയം മാറ്റിവെക്കല്‍ ശസ്ത്രക്രിയ വിജയകരമായി നടന്നു. ഒരു യൂണിറ്റ് രക്തം പോലും നല്‍കാതെ രോഗിക്ക് ഹൃദയം മാറ്റിവെക്കല്‍ ശസ്ത്രക്രിയ നടത്തിയത് അഹമ്മദാബാദിലെ മാരെംഗോ സിഐഎംഎസ് ആശുപത്രിയിലാണ്. 52 കാരനായ ചന്ദ്രപ്രകാശ് ഗാര്‍ഗിന്‍ എന്നയാളിലാണ് ശസ്ത്രക്രിയ നടത്തിയത്. റോഡപകടത്തില്‍ മരിച്ച 33 കാരനാണ് ദാതാവ്. പൊതുവെ ഹൃദയം മാറ്റിവെയ്ക്കല്‍ ശസ്ത്രക്രിയയ്ക്കിടെ രോഗിക്ക് രക്തം ആവശ്യമാണ്. എന്നാല്‍ മികച്ച സാങ്കേതികവിദ്യയുടെ സഹായത്തോടെയാണ് രക്തരഹിത ശസ്ത്രക്രിയ പൂര്‍ത്തിയാക്കിയത്. ആശുപത്രിയിലെ ഹാര്‍ട്ട് ട്രാന്‍സ്പ്ലാന്റ് പ്രോഗ്രാം ഡയറക്ടര്‍ ഡോ.ധീരന്‍ ഷായുടെ നേതൃത്വത്തിലായിരുന്നു ശസ്ത്രക്രിയ. വിപ്ലവകരമായ സാങ്കേതിക വിദ്യ രാജ്യത്ത് നിലവില്‍ അഹമ്മദാബാദില്‍ മാത്രമാണ് ലഭ്യം.
