സംസ്ഥാനത്ത് നിലവിലുള്ള നിപ പ്രോട്ടോകോള്‍ തന്നെ തുടരുമെന്ന് ആരോഗ്യമന്ത്രി വീണാ ജോര്‍ജ്ജ്. കേരളത്തിലെ വൈറോളജി ലാബ് നിപ പരിശോധനയ്ക്ക് സജ്ജമാണെന്നും എന്നാല്‍ ഔദ്യോഗിക പ്രഖ്യാപനം പൂനെ ലാബില്‍നിന്ന് മാത്രമാണ് സാധ്യമെന്നും മന്ത്രി വ്യക്തമാക്കി. രോഗ പ്രതിരോധത്തിന് ആവശ്യമായ മരുന്നുകളടക്കം സജ്ജമാണ്. ആശങ്കപ്പെടേണ്ട സാഹചര്യമില്ലെന്നും മന്ത്രി കൂട്ടിച്ചേര്‍ത്തു. സഭയില്‍ സംസാരിക്കവെയാണ് മന്ത്രി ഇക്കാര്യം വ്യക്തമാക്കിയത്.
