രാജ്യത്തെ ക്ഷയ രോഗമുക്തമാക്കുക എന്ന ലക്ഷ്യത്തോടെ നടപ്പിലാക്കുന്ന പ്രധാന മന്ത്രി ടിബി മുക്ത് അഭിയാന്‍ പദ്ധതിയുടെ ഭാഗമായുള്ള നി-ക്ഷയ് ക്യാമ്പയിന് എറണാകുളം ജില്ലയില്‍ തുടക്കമായി. സാമ്പത്തികമായി പിന്നാക്കം നില്‍ക്കുന്ന ക്ഷയ രോഗികള്‍ക്ക് ചികിത്സാ കാലയളവില്‍ ആവശ്യമായ പോഷകാഹാരം ഉറപ്പുവരുത്തുക എന്ന ലക്ഷ്യത്തോടെയാണ് നിക്ഷയ് മിത്ര പദ്ധതി നടപ്പിലാക്കുന്നതെന്ന് എറണാകുളം ജില്ലാ കളക്ടര്‍ എന്‍ എസ് കെ ഉമേഷ് പറഞ്ഞു. പദ്ധതിയുടെ ഭാഗമായി ജില്ലയിലെ ആദ്യ നി-ക്ഷയ് മിത്രമായി ചികിത്സയില്‍ കഴിയുന്ന തൃക്കാക്കര സ്വദേശിയുടെ വീട്ടിലെത്തി കളക്ടര്‍ ഭക്ഷ്യ കിറ്റ് വിതരണം ചെയ്തു.
