അധിക പണം നല്കാത്തതിനാല് ആംബുലന്സ് വൈകിയതിനെ തുടര്ന്ന് രോഗി മരിച്ചെന്ന ആരോപണത്തില് അന്വേഷണത്തിന് ഉത്തരവിട്ട് മന്ത്രി വീണാ ജോര്ജ്. പണം മുന്കൂര് നല്കാത്തതിനാല് പറവൂര് താലൂക്ക് ആശുപത്രിയിലെ ആംബുലന്സ് സര്വീസ് നടത്താന് വൈകിയതിനെത്തുടര്ന്ന് ചികിത്സ വൈകി രോഗി മരിച്ചതായി ബന്ധുക്കള് നല്കിയ പരാതിയിലാണ് നടപടി. വടക്കന് പറവൂര് സ്വദേശി അസ്മയാണ് മരിച്ചത്. സംഭവത്തില് വ്യാപക പ്രതിഷേധങ്ങള് ഉയര്ന്നിരുന്നു.
