ഇന്ത്യയില്‍ ചികിത്സിക്കാന്‍ യോഗ്യത ഇല്ലാതെ കോതമംഗലത്ത് പ്രാക്ടീസ് നടത്തിയ യുക്രൈന്‍ ബിരുദധാരിയായ വനിതാ ഡോക്ടര്‍ അറസ്റ്റില്‍. കോതമംഗലം താലൂക്ക് ആശുപത്രിയിലെ മെഡിക്കല്‍ സൂപ്രണ്ടിന്റെ പരാതിയിലാണ് തിരുവനന്തപുരം ചിറയന്‍കീഴ് താമസിക്കുന്ന തമിഴ്‌നാട് തിരുനെല്‍വേലി സ്വദേശി മുരുകേശ്വരിയെ കോതമംഗലം പൊലീസ് അറസ്റ്റ് ചെയ്തത്. യുക്രൈനില്‍ നിന്ന് മെഡിക്കല്‍ ബിരുദം സമ്പാദിച്ചെങ്കിലും ഇന്ത്യയില്‍ ഡോക്ടറായി പ്രാക്ടീസ് ചെയ്യുന്നതിനുള്ള യോഗ്യത മുരുകേശ്വരി നേടിയിരുന്നില്ല. എന്നാല്‍ 2021 മുതല്‍ 2023വരെ ഇവര്‍ കോതമംഗലത്ത് പ്രാക്ടീസ് നടത്തിയിരുന്നു. തിരുനെല്‍വേലിയില്‍ നിന്ന് അറസ്റ്റ് ചെയ്ത മുരുകേശ്വരിയെ കോടതിയില്‍ ഹാജരാക്കി റിമാന്‍ഡ് ചെയ്തു.
