കേരളത്തില് മഴ മുന്നറിയിപ്പുമായി കാലാവസ്ഥ വകുപ്പ്. വടക്കന് ജില്ലകളില് ഇന്നും നാളെയും പരക്കെ മഴക്ക് സാദ്ധ്യതയുണ്ട്. കാസര്കോട്, കണ്ണൂര്, കോഴിക്കോട്, മലപ്പുറം ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട സ്ഥലങ്ങളില് ഇടിമിന്നലോടുകൂടിയ മഴയ്ക്കും സാദ്ധ്യതയുണ്ട്.
ബംഗാള് ഉള്ക്കടലിന്റെ തെക്കുപടിഞ്ഞാറന് ഭാഗം മുതല് വടക്കന് ലക്ഷദ്വീപ് പ്രദേശം വരെ, വടക്കന് തമിഴ്നാട്, തെക്കന് ഉള്നാടന് കര്ണാടക, വടക്കന് കേരളം വഴി സമുദ്രനിരപ്പില് നിന്ന് 7.6 കിലോമീറ്റര് ഉയരത്തില് ന്യൂനമര്ദപാത്തി സ്ഥിതിചെയ്യുന്നു. ജൂലായ് 21 ചൊവ്വാഴ്ച വരെ മഴ പെയ്യുമെന്നാണ് കാലാവസ്ഥാ വകുപ്പിന്റെ മുന്നറിയിപ്പ്.
