ബെംഗളൂരുവിൽ നഴ്സിങ് വിദ്യാർഥിനിയായ പുതുക്കോട് സ്വദേശിനി ഹോസ്റ്റലിനു മുകളിൽനിന്നു വീണു മരിച്ചു. ഒന്നാം വർഷ ബിഎസ്‌സി നഴ്സിങ് വിദ്യാർഥിനിയും പുതുക്കോട് ഗംഗാധരന്റെ മകളുമായ അതുല്യ ഗംഗാധരൻ ആണ് മരിച്ചത്. ഇന്നലെ രാത്രിയാണ് അപകടമുണ്ടായതെന്നാണ് കോളജ് അധികൃതർ വീട്ടുകാരെ അറിയിച്ചത്. അതുല്യ മൂന്നു സഹപാഠികൾക്കൊപ്പമാണ് ഹോസ്റ്റലിൽ താമസിച്ചിരുന്നത്. ബെംഗളൂരു പൊലീസ് കേസെടുത്ത് അന്വേഷണം തുടങ്ങിയെന്ന് ബന്ധുക്കൾ വ്യക്തമാക്കി. മൃതദേഹം പോസ്റ്റ്മോർട്ടത്തിനുശേഷം നാട്ടിലേക്ക് കൊണ്ടുവരും.
