ആരോഗ്യ പ്രവര്‍ത്തകരുടെ സുരക്ഷ ഉറപ്പാക്കുന്നതിന് നിയമസഭ പാസാക്കിയ ആശുപത്രി സംരക്ഷണ ബില്ലില്‍ ഗവര്‍ണ്ണര്‍ ഒപ്പിട്ടു. ആരോഗ്യ പ്രവര്‍ത്തകര്‍ക്ക് എതിരായ അക്രമം തടയാനാണ് പുതിയ നിയമം സര്‍ക്കാര്‍ കൊണ്ടുവരുന്നത്. മുന്‍പ് ആരോഗ്യ പ്രവര്‍ത്തകര്‍ക്കെതിരായ അതിക്രമത്തിനെതിരെ നിയമം ശക്തമാക്കുമെന്നും അതിക്രമം തടയാന്‍ ഓര്‍ഡിനന്‍സ് ഇറക്കുമെന്നും ആരോഗ്യമന്ത്രി വീണാ ജോര്‍ജ്ജ് പറഞ്ഞിരുന്നു. കൊട്ടരക്കരയിലെ ഡോക്ടര്‍ വന്ദനദാസിന്റെ കൊലപാതകത്തെ തുടര്‍ന്നാണ് ഇത്തരമൊരു നിയമം കൊണ്ടുവരാന്‍ സംസ്ഥാന സര്‍ക്കാര്‍ തീരുമാനിച്ചത്.
