കൊട്ടാരക്കര താലൂക്ക് ആശുപത്രിയില്‍വെച്ച് അക്രമിയുടെ കുത്തേറ്റ ഡോ. വന്ദന ദാസിന്റെ മരണത്തില്‍ ഗുരുതര ആരോപണവുമായി തിരുവഞ്ചൂര്‍ രാധാകൃഷ്ണന്‍. പരിക്കേറ്റ ഡോ. വന്ദനയെ ആശുപത്രിയില്‍ എത്തിച്ചപ്പോള്‍ നടത്തിയാണ് കൊണ്ടുപോയത്. കൊട്ടാരക്കരയിലെ ആശുപത്രിയില്‍നിന്ന് യാതൊരുവിധ പ്രാഥമിക ചികിത്സയും ഡോ. വന്ദനയ്ക്ക് നല്‍കിയില്ല. ഡോ. വന്ദന പഠിച്ച മെഡിക്കല്‍ കോളേജ് ഉള്‍പ്പടെയുള്ള ആശുപത്രികളെ ചികിത്സയ്ക്കായി അവഗണിച്ചത് സമയനഷ്ടമുണ്ടാക്കി. വന്ദനയെ പോലീസ് ജീപ്പിലും, കുത്തേറ്റ പോലീസുകാരെ ആംബുലന്‍സിലുമാണ് ആശുപത്രിയിലേക്ക് മാറ്റിയതെന്നും തിരുവഞ്ചൂര്‍ ആരോപിച്ചു.
