തൃശൂർ: സംസ്ഥാനത്ത് വീണ്ടും തെരുവ് നായയുടെ ആക്രമണം, തൃശ്ശൂരില്‍ തെരുവ് നായ്ക്കളുടെ ആക്രമണത്തില്‍ വീണ് പരിക്കേറ്റ വിദ്യാര്‍ത്ഥിക്ക് മൂന്ന് പല്ലുകള്‍ നഷ്ടമായി. ട്യൂഷന്‍ കഴിഞ്ഞ് സുഹൃത്തിനൊപ്പം സൈക്കിളില്‍ വരികയായിരുന്ന കുട്ടി നായയുടെ ആക്രമണത്തില്‍നിന്ന് രക്ഷപ്പെടാന്‍ ശ്രമിക്കുന്നതിനിടെ സൈക്കിള്‍ വൈദ്യുതി പോസ്റ്റില്‍ ഇടിച്ചു വീഴുകയായിരുന്നു. തൃശൂരിലെ സ്വകാര്യ ആശുപത്രിയില്‍ ശസ്ത്രക്രിയക്ക് വിധേയനാക്കിയ കുട്ടിക്ക് തുടര്‍ ചികിത്സ നല്‍കി വരികയാണ്.
