കാക്കനാട്: 2019ലെ ലോകത്തെ മികച്ച 2 ശതമാനം ശാസ്ത്രജ്ഞന്മാരില്‍ ഇടംപിടിച്ച് രാജഗിരി ബിസിനസ് സ്‌കൂള്‍ അസോ. പ്രൊഫസര്‍ ഡോ. അവിരാല്‍ കുമാര്‍ തിവാരി. യു.എസ്.എയിലെ സ്റ്റഫോര്‍ഡ് സര്‍വ്വകലാശാലയാണ് പട്ടിക പുറത്തുവിട്ടത്.
ലോകത്തെ മികച്ച സാമ്പത്തിക ശാസ്ത്രജ്ഞരില്‍ 169-ാം റാങ്കും ഇന്ത്യയില്‍ നിന്നുള്ള ശാസ്ത്രജ്ഞരില്‍ ഒന്നാം റാങ്കും, സബ്-ഫീല്‍ഡായ ഊര്‍ജത്തില്‍ നാലാം റാങ്കും ഡോ. അവിരാല്‍ കുമാര്‍ തിവാരി സ്വന്തമാക്കി. ഫ്രാന്‍സിലെ മോണ്ട്‌പെലിയര്‍ ബിസിനസ് സ്‌കൂളില്‍ നിന്നും പോസ്റ്റ് ഡോക്ടറല്‍ സ്വന്തമാക്കിയ അദ്ദേഹത്തിന്റെ അന്താരാഷ്ട്ര നിലവാരമുള്ള സാമ്പത്തിക പ്രബന്ധങ്ങള്‍ ഫിനാന്‍ഷ്യല്‍ ടൈംസ് ഉള്‍പ്പടെ പ്രസിദ്ധീകരിച്ചിട്ടുണ്ട്.
