പാലക്കാട് ചെർപ്പുളശ്ശേരിയിൽ കോതകുർശ്ശിയിലെ ഓട്ടോ ഡ്രൈവർക്ക് സൂര്യാതപമേറ്റതായി റിപ്പോർട്ട്. പനമണ്ണ അമ്പലവട്ടം വയലാലെ വീട്ടിൽ 48 വയസായ മോഹനനാണ് സൂര്യാതപമേറ്റത്. മുതുകിൽ പപ്പടത്തിന്‍റെ ആകൃതിയിലാണ് പൊള്ളലേറ്റത്. തൊലി അടർന്ന നിലയിലാണ്. കഴിഞ്ഞ ദിവസം ഉച്ചയ്ക്ക് രണ്ടിന് കോതകുർശ്ശിയിലെ വർക് ഷോപ്പ് പരിസരത്ത് വച്ചാണ് മോഹനന് സൂര്യാതപമേറ്റത്. ഉടൻ തന്നെ കോതകുർശ്ശിയിലെ സ്വകാര്യ ആശുപത്രിയിൽ ചികിത്സ തേടുകയും ചെയ്തു.
