ക്യാന്‍സര്‍ ചികിത്സയിലെ ചിലവുകുറയ്ക്കുന്ന ഇന്ത്യയിലെ ആദ്യത്തെ CAR-T സെല്‍ തെറാപ്പി മരുന്നിനു അംഗീകാരം. നെക്സ് കാര്‍ 19 എന്ന മരുന്നിനാണ് സെന്‍ട്രല്‍ ഡ്രഗ്സ് സ്റ്റാന്‍ഡേര്‍ഡ് കണ്‍ട്രോള്‍ ഓര്‍ഗനൈസേഷന്റെ അംഗീകാരം ലഭിച്ചത്. ഐഐടി ബോംബെയും ടാറ്റ മെമ്മോറിയല്‍ സെന്ററും തമ്മിലുള്ള സഹകരണത്തിന്റെ ഫലമാണ് നെക്സ് കാര്‍ 19. ലിംഫോമ, ലുക്കീമിയ എന്നീ രക്താര്‍ബുദങ്ങളുടെ ചികിത്സയ്ക്കാണ് നെക്സ് കാര്‍ 19 ഉപയോഗിക്കാന്‍ കഴിയുക. നിലവിലെ ചികിത്സകളെ അപേക്ഷിച്ച് 90 ശതമാനം ചെലവ് കുറഞ്ഞതാണ് ഇന്ത്യയില്‍ത്തന്നെ നിര്‍മിക്കാന്‍ ഒരുങ്ങുന്ന ഈ മരുന്ന്. രാജ്യത്തിന് പുറത്ത് 3 മുതല്‍ 4 കോടിവരെ വിലവരുന്ന മരുന്ന് 30 മുതല്‍ 40 ലക്ഷം രൂപയ്ക്കാണ് ഇന്ത്യയില്‍ ലഭ്യമാകുകയെന്നാണ് റിപ്പോര്‍ട്ടുകള്‍.
