കാന്‍സര്‍ രോഗികള്‍ക്ക് പ്രതീക്ഷയേകുന്ന പുതിയ മരുന്ന് വികസിപ്പിച്ചെടുത്ത് യു.എസില്‍ നിന്നുള്ള ഗവേഷകര്‍. AOH1996 എന്ന് പേരിട്ടിരിക്കുന്ന മരുന്ന് കാന്‍സര്‍ ചികിത്സയ്ക്കു പേരുകേട്ട കാലിഫോര്‍ണിയയിലെ സിറ്റി ഓഫ് ഹോപ് ഹോസ്പിറ്റലിലെ ഗവേഷകരാണ് വികസിപ്പിച്ചത്. മരുന്നിന്റെ ആദ്യഘട്ടപരീക്ഷണം നടക്കുകയാണെന്ന് ഗവേഷകര്‍ വ്യക്തമാക്കി. സെല്‍ കെമിക്കല്‍ ബയോളജി എന്ന ജേര്‍ണലിലാണ് ഇതുസംബന്ധിച്ച പഠനം പ്രസിദ്ധീകരിച്ചിരിക്കുന്നത്.
