മൊബൈല്‍ പൊട്ടിത്തെറിച്ചുണ്ടായ അപകടത്തില്‍ നിന്നും വിദ്യാര്‍ത്ഥി രക്ഷപെട്ടത് തലനാരിഴയ്ക്ക്. വയനാട് കല്‍പ്പറ്റ സ്വദേശി സിയാന്റെ മൊബൈല്‍ ആണ് പൊട്ടിത്തെറിച്ചത്. മൊബൈല്‍ അടുത്ത് വെച്ച് മയങ്ങുന്നതിനിടെയായിരുന്നു സംഭവം. ഫോണില്‍ നിന്നും ശബ്ദം കേട്ട ഉടനെ മൊബൈല്‍ ദൂരേക്ക് എറിഞ്ഞതിനാല്‍ വന്‍ അപകടം ഒഴിവായി. രണ്ടു വര്‍ഷം മുമ്പ് വാങ്ങിയ റെഡ്മി നോട്ട് 7 പ്രോ എന്ന ഫോണ്‍ ആണ് പൊട്ടിത്തെറിച്ചതെന്ന് മാധ്യമങ്ങള്‍ റിപ്പോര്‍ട്ട് ചെയ്യുന്നു. ഫോണ്‍ പൊട്ടിത്തെറിച്ചതിന്റെ കാരണം ഇതുവരെ വ്യക്തമല്ല.
