രാജ്യത്തെ കോവിഡ് നിയന്ത്രണങ്ങളില്‍ ഇളവു വരുത്തി കേന്ദ്ര സര്‍ക്കാര്‍. ഇന്ത്യയിലെത്തുന്ന രാജ്യാന്തര യാത്രികരില്‍ രണ്ടു ശതമാനത്തിനു നടത്തിവന്നിരുന്ന ആര്‍ടി-പിസിആര്‍ പരിശോധന പൂര്‍ണമായും ഇല്ലാതാക്കിയാണ് സര്‍ക്കാര്‍ മാര്‍ഗനിര്‍ദേശങ്ങള്‍ പരിഷ്‌കരിച്ചത്. രാജ്യത്തെ കോവിഡ് കേസുകളില്‍ ഗണ്യമായ കുറവ് തുടരുന്നതിനാലാണ് തീരുമാനം. വ്യാഴാഴ്ച മുതല്‍ പുതുക്കിയ നിര്‍ദേശം നിലവില്‍ വന്നു. വിമാനത്താവളങ്ങള്‍, തുറമുഖങ്ങള്‍, അതിര്‍ത്തികള്‍ തുടങ്ങി എവിടെനിന്നും ഇന്ത്യയിലേക്കുള്ള പ്രവേശനത്തിന് ഇനി ആര്‍ടി-പിസിആര്‍ മാനദണ്ഡം ആവശ്യമില്ല.
