അബുദാബി: തുടര്‍ച്ചയായി വന്‍തുകയുടെ സമ്മാനങ്ങള്‍ നല്‍കുന്ന യുഎഇയിലെ പ്രമുഖ പ്രതിവാര നറുക്കെടുപ്പായ മഹ്സൂസ്, തങ്ങളുടെ സമ്മാന ഘടനയില്‍ അടിമുടി മാറ്റങ്ങള്‍ പ്രഖ്യാപിച്ചു. ഇതുവരെ നടന്ന 134 തത്സമയ പ്രതിവാര നറുക്കെടുപ്പുകളിലായി 32 മള്‍ട്ടി മില്യനയര്‍മാരെയാണ് മഹ്സൂസ് സൃഷ്ടിച്ചിട്ടുള്ളത്. വിവിധ രാജ്യങ്ങളില്‍ നിന്നുള്ള 220,000 വിജയികള്‍ക്ക് ആകെ 376 മില്യനിലധികം ദിര്‍‍ഹത്തിന്റെ സമ്മാനങ്ങളും നല്‍കിക്കഴിഞ്ഞു.2023 മാര്‍ച്ച് 11 ശനിയാഴ്ച മുതല്‍ എല്ലാ ആഴ്‍ചയും ഒരു മില്യനയറെ വീതം തിരഞ്ഞെടുക്കും. ഇനി മുതല്‍ ഒന്നാം സമ്മാനം ലഭിക്കുന്നവര്‍ക്ക് 20,000,000 ദിര്‍ഹമായിരിക്കും സ്വന്തമാക്കാനാവുക. സമ്മാനങ്ങള്‍ കൂടുതല്‍ ആകര്‍ഷകമായി മാറുമ്പോഴും നറുക്കെടുപ്പില്‍ പങ്കെടുക്കാനുള്ള നിബന്ധനകള്‍ പഴയപടി തന്നെ തുടരും.
