എറണാകുളം: കോവിഡ് വാക്‌സിൻ എടുത്തവർക്ക് വാക്‌സിനേഷൻ സർട്ടിഫിക്കറ്റുമായി ബന്ധപ്പെട്ട തെറ്റുകൾ തിരുത്തുന്നതിനുള്ള അവസരമൊരുക്കുമെന്ന് ജില്ലാ കളക്ടർ ജാഫർ മാലിക് അറിയിച്ചു. ഇതിനുള്ള വിവരശേഖരണം നടത്തിവരുകയാണ്. കോവിൻ പോർട്ടലിൽ ഡാറ്റ രജിസ്റ്റർ ചെയ്യാൻ സാധിക്കാത്ത ഒന്നാം ഡോസ് എടുത്തവർക്കും, ഒന്നും രണ്ടും ഡോസ് എടുത്തവർക്കും, വാക്‌സിനേഷൻ സർട്ടിഫിക്കറ്റ് ലഭിക്കുവാനായും തിരുത്തലുകൾക്കായിട്ടുമാണ് വിവരശേഖരണം നടത്തുന്നത്.
സർട്ടിഫിക്കറ്റ് ലഭിക്കാത്തവരും തിരുത്തലുകൾ വേണ്ടവരും തൊട്ടടുത്ത പ്രാഥമിക കേന്ദ്രങ്ങളുമായോ വാക്‌സിൻ എടുത്ത കേന്ദ്രങ്ങളുമായോ എത്രയും പെട്ടെന്ന് ബന്ധപ്പെട്ട് വിവരങ്ങൾ നൽകേണ്ടതാണെന്നും ഈ അവസരം എല്ലാവരും പ്രയോജനപ്പെടുത്തണമെന്നും അദ്ദേഹം പറഞ്ഞു.
