ആരോഗ്യ കേരളം വെല്ലുവിളികള്‍ നേരിടുന്ന ഈ സാഹചര്യത്തില്‍ സര്‍ക്കാരുമായി സഹകരിച്ച് കൊറോണയോട് പൊരുതാന്‍ വിപിഎസ് ലേക്ക്‌ഷോര്‍ ഹോസ്പിറ്റലും സജ്ജമായിക്കഴിഞ്ഞെന്ന് സിഇഒ എസ് കെ അബ്ദുള്ള പറഞ്ഞു. ഹോസ്പിറ്റലില്‍ ആധുനിക സജ്ജീകരണങ്ങളുള്ള ഐസൊലേഷന്‍ വാര്‍ഡുകള്‍ക്കു പുറമെ വൈറസിന്റെ വ്യാപനം തടയാന്‍ ലക്ഷ്യമിട്ടുള്ള ഫീവര്‍ ഡെസ്‌കകളും പ്രവര്‍ത്തനം തുടങ്ങിയതായി അദ്ദേഹം പറഞ്ഞു. അതേ സമയം വ്യക്തിതലത്തില്‍ രോഗപ്രതിരോധത്തിനാവശ്യമായ ഉപകരണങ്ങളും കെമിക്കലുകളും വിപണിയില്‍ ലഭ്യമാക്കാനുള്ള നടപടികള്‍ ഊര്‍ജിതമാക്കാന്‍ സംസ്ഥാന സര്‍ക്കാരിനോട് അദ്ദേഹം അഭ്യര്‍ത്ഥിച്ചു.
വിവിധ കേന്ദ്ര, സംസ്ഥാന സര്‍ക്കാര്‍ വകുപ്പുകള്‍ക്കായി നിര്‍മിച്ച ഒട്ടനവധി മ്യൂസിക്കല്‍ വീഡിയോകളിലൂടെ ശ്രദ്ധയനായ ശരത് മോഹന്‍ സംവിധാനവും സംഗീതവും നിര്‍വഹിച്ചിരിക്കുന്ന ഈ ഗാനത്തിന്റെ രചന പ്രശസ്ത ചലച്ചിത്ര സംവിധായകന്‍ ജോണ്‍ ഡിറ്റോയുടേതാണ്. പിന്നണി ഗായകന്‍ സുധീഷ് കുമാര്‍ ആലപിച്ചിരിക്കുന്ന ഈ ഗാനത്തിന്റെ ഓര്‍ക്കസ്‌ട്രേഷന്‍ ജിതിന്‍ ജനാര്‍ദ്ദനനും നിര്‍വഹിച്ചിരിക്കുന്നു. ഒപ്പം വിനോദ് ആദിത്യ ക്യാമറയും സുജിത് കെ. എസ് എഡിറ്റിംഗും മനു മോഹന്‍ ഡിസൈനും അരുണ്‍ രാജന്‍, അരുണ്‍ അശോക് എന്നിവര്‍ ക്രിയേറ്റീവ് കോണ്‍ട്രിബ്യൂട്ടേഴ്‌സായും ഈ വീഡിയോ ഗാനത്തില്‍ പങ്കാളികളയിരിക്കുന്നു.
ചടങ്ങില്‍ ചലച്ചിത്ര സംവിധായകന്‍ ജോണ്‍ ഡിറ്റോ, സംഗീത സംവിധായകന്‍ ശരത് മോഹന്‍, പിന്നണി ഗായകന്‍ സുധീഷ് കുമാര്‍, ഷീ മീഡിയാസ് മാനേജിംഗ് ഡയറക്ടര്‍ സുജ കെ. എസ്, വിപിഎസ് ലേക്ക്‌ഷോര്‍ ഹോസ്പിറ്റല്‍ മീഡിയാ മാനേജര്‍ മായ എം എന്നിവര്‍ പങ്കെടുത്തു.
