തിരുവനന്തപുരം: എന്‍സിപിയെ ഇടതുമുന്നണിയില്‍നിന്ന് പുറത്താക്കണമെന്ന് കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍. മഹാരാഷ്ട്രയില്‍ എന്‍സിപി പിന്തുണയോടെ ബിജെപി സര്‍ക്കാര്‍ അധികാരമേറ്റതിനു പിന്നാലെയാണ് മുല്ലപ്പള്ളിയുടെ വിമര്‍ശനം.
മതനിരപേക്ഷത ഉയര്‍ത്തിപ്പിടിക്കുന്നുവെങ്കില്‍ എന്‍സിപിയെ എല്‍ഡിഎഫ് പുറത്താക്കണം. ഇക്കാര്യത്തില്‍ സിപിഎം മറുപടി പറയണമെന്നും മുല്ലപ്പള്ളി ആവശ്യപ്പെട്ടു. അതേസമയം, ബിജെപിയുമായി ഒരു കുട്ടുകെട്ടിനും കേരളത്തിലെ എന്‍സിപി ഘടകം തയാറല്ലെന്ന് എന്‍സിപി നേതാവ് മാണി സി. കാപ്പന്‍ പ്രതികരിച്ചു.
