ന്യൂഡല്‍ഹി: ലോകത്തില്‍ ഏറ്റവും മികച്ച ‘ടോയ്ലെറ്റ് പേപ്പര്‍’ ഏതെന്ന് ഗൂഗിളില്‍ തിരഞ്ഞാല്‍ ഉത്തരമായി കിട്ടുക പാക്കിസ്ഥാന്റെ ദേശീയ പതാക. പുല്‍വാമ ആക്രമണത്തിന് പിന്നാലെ ഇപ്പോള്‍ ഇതാണ് സോഷ്യല്‍ മീഡിയയില്‍ വ്യാപകമായി പ്രചരിക്കുന്നത്. നിരവധി പേര്‍ ഇക്കാര്യം ഹാഷ്ടാഗോടെ ട്വീറ്റ് ചെയ്തിട്ടുണ്ട്.
ഗൂഗിളില്‍ best toilet paper in the world എന്ന് തെരയുമ്പോള്‍ പാക്കിസ്ഥാന്റെ ദേശീയ പതാകയാണ് ഉത്തരമായി കാണിക്കുക. ട്വിറ്ററില്‍ നിരവധി ആളുകളാണ് #besttoiletpaper എന്ന ഹാഷ്ടാഗോടെ സേര്‍ച്ച് ഫലം പ്രചരിപ്പിക്കുന്നത്. ഗൂഗിള്‍ സെര്‍ച്ചിന്റെ പ്രത്യേകത മൂലമാണ് ഇത്തരം വൈരുദ്ധ്യങ്ങളായ സെര്‍ച്ച് ഫലങ്ങള്‍ ലഭിക്കുന്നത്.
പുല്‍വാമയില്‍ 44 സിആര്‍പിഎഫ് ജവാന്മാര്‍ വീരമൃത്യു വരിച്ചതിന് പിന്നാലെ സൈബര്‍ ലോകത്ത് ആക്രമണം കടുത്തിരുന്നു. പാക് വെബ്‌സൈറ്റുകള്‍ ഒന്നൊന്നായി പൂട്ടിയതിന് പിന്നില്‍ ഇന്ത്യന്‍ ഹാക്കര്‍മാരാണെന്ന് പാക്കിസ്ഥാന്‍ വിമര്‍ശിച്ചിരുന്നു.
