ഹോളിവുഡ് ട്രെന്‍ഡ് ഏറ്റെടുത്തിരിക്കുകയാണ് തെന്നിന്ത്യയുടെ ലേഡി സൂപ്പര്‍സ്റ്റാര്‍ നയന്‍താര. ബോയ്ഫ്രണ്ടിന്റെ പേരിന്റെ ആദ്യ അക്ഷരം ഉപയോഗിച്ചുള്ള കമ്മല്‍ ധരിക്കുന്നതാണ് ഇപ്പോള്‍ ഹോളിവുഡിലെ ഹോട്ട് ട്രന്‍ഡ്. നയന്‍സ് ഇത് കോളിവുഡില്‍ എത്തിച്ചതായാണ് പാപ്പരാസികളുടെ കണ്ടെത്തല്‍. വി എന്ന ഇംഗ്ലീഷ് അക്ഷരത്തിന്റെ രീതിയിലുള്ള കമ്മല്‍ ധരിച്ച നയന്‍താരയുടെ ഫോട്ടോ ഇപ്പോള്‍ വൈറലാണ്. ഇതു നയന്‍സിന്റെ ബോയിഫ്രണ്ട് വിഘ്‌നേഷ് ശിവയെ സൂചിപ്പിക്കുന്നതാണെന്നാണ് ആരാധകര്‍ക്കിടയിലുള്ള സംസാരം.
ഇരുവരേയും ഒന്നിച്ചു പൊതുവേദികളില്‍ കണ്ടതു വാര്‍ത്തയായിരുന്നു. ഇരുവരും ഒന്നിച്ചു നടത്തിയ ഓണാഘോഷം നടത്തിയതിന്റെ ചിത്രങ്ങള്‍ പുറത്തുവിട്ടപ്പോള്‍ മുതല്‍ പാപ്പരാസികളുടെ കണ്ണ് ഇരുവരുടെയും പിന്നാലെയായിരുന്നു. വിഘേ്‌നേഷിന്റെയും നയന്‍താരയുടെയും വിവാഹം കഴിഞ്ഞിരുന്നു എന്നും വാര്‍ത്തകള്‍ ഉണ്ടായിരുന്നു.
